W Hotel Macau 較新酒店，荷里活電影復古裝修

原本揀咗間壯美大床房，路氹城景觀，酒店知道我哋係周年慶祝，好好幫我哋免費升級套房，同埋有小禮物送返（有支紅酒同埋士多啤梨朱古力嘅小食。 一入房望到個落地大玻璃望住路氹城嘅城市景，對住巴黎人同埋新濠影滙8字，好大嘅電視，同埋仲有個客廳，仲有個化妝間真係好大！ 個廁所都好大又有個浴缸，又有沖涼間，個廁所仲要係日本暖板，用Dyson風筒都尚算高級提供好多嘅設備基本嘢都有，個電視好清，又大有新！ 房間個設計都好時尚同埋比較荷里活感。 當日酒店好好，比我哋好早checkin 完就有得攞房，可能嗰日唔係太多人，我哋提早10:45就check-in咗！所以都算好好彩！仲要唔使點樣排隊，之前睇啲評論排隊等得比較耐一開張嗰陣... 我哋訂咗嘅房包埋自助早餐，當日係去津津佢哋嘅自助餐餐廳嗰度食，估佢唔到超多選擇，有基本上炒粉麵啊粥呀英式早餐三文魚刺身啊乳酪樣樣都有，早餐仲要有雪糕食，咖啡茶係有專人幫你整.時間上晝七點至到11點係早餐時間。 整體都尚算滿意！ #社群歎世界 #澳門酒店 #澳門旅遊